【客語版】
客家委員會副主任委員范佐銘今（6）日代表主任委員楊長鎮去中壢區大愛生命紀念館參加國寶級客家竹藝大師戴阿爐先生告別式，並頒贈客委會「二等客家事務專業獎章」摎「旌揚狀」，指望未來有後生人續等薪傳這珍貴个客家工藝職人文化。
范副主委表示，頭擺桃竹苗客庄大量出產竹仔个時節，家家戶戶都做得看著各式各樣个竹製品，這兜竹製品全都係精緻个工藝，對破竹仔个每一刀到編竹篾、組裝都無恁該，出生在客庄个戴阿爐先生從事竹仔个工藝超過70年，一生人都為著竹製品盡心盡力，同時也創作摎保存了客家手作竹藝，為著這頒贈客委會「二等客家事務專業獎章」摎「旌揚狀」來表揚戴阿爐先生對客家文化个貢獻。
戴阿爐先生在1935年出生在新竹關西，對13、14歲斯拜師學習竹製家具技藝，佢表現出超過一般人个資質，15歲斯學成出師。後來搬到桃園楊梅个富岡，佢个專長毋單淨係製作耐用又有美感个竹家具，還主動㧡起幫助傳統技藝推廣摎文化傳承，經歷過70年來行遍桃園、新竹沿線車頭个竹行，一生人奉獻客家傳統技藝。
客家公共傳播基金會在2020年底推出系列紀錄片《傳．傳》，第一集斯係用鏡頭記錄戴阿爐先生超過一甲子个竹藝人生，短短5分鐘影片呈現出精緻个製作竹椅流程摎客家工藝之美，該系列影片榮獲多隻國際影視大獎，明顯表示出像戴阿爐先生樣恁樣傳承客家文化个永存精神。
—————————————
【華語版】
客家委員會副主任委員范佐銘今（6）日代表主任委員楊長鎮前往中壢區大愛生命紀念館參加國寶級客家竹藝大師戴阿爐先生告別式，並頒贈客委會「二等客家事務專業獎章」及「旌揚狀」，期盼未來有後生人接續薪傳這珍貴的客家工藝職人文化。
范副主委表示，過去桃竹苗客庄盛產竹子的時候，家家戶戶都能見到各式各樣的竹製品，這些竹製品都蘊含著精細的工藝，從剖竹的每一刀到編織、組裝都不簡單，而出生在客庄的戴阿爐先生從事竹子工藝超過70年，一生都致力於竹製品，同時也創作及保存了客家手作竹藝，為此頒贈客委會「二等客家事務專業獎章」及「旌揚狀」以表揚戴阿爐先生對於客家文化的貢獻。
戴阿爐先生於1935年出生於新竹關西，自13、14歲就拜師學習竹製家具技藝，其展現出過人的天賦，15歲即學成出師。後搬至桃園楊梅的富岡，其不僅善於製作耐用又富美感的竹家具，更義不容辭協助傳統技藝推廣與文化傳承，逾70年來足跡遍及桃園、新竹沿線車站的竹行，終生奉獻客家傳統技藝。
客家公共傳播基金會於2020年底推出系列紀錄片《傳．傳》，首集便以鏡頭記錄戴阿爐先生超過一甲子的竹藝人生，短短5分鐘影片呈現了細膩的製椅流程及客家工藝之美，該系列影片榮獲多個國際影視大獎，彰顯出像戴阿爐先生般如此傳承客家文化的永存精神。
