【客語版】
美國哥倫比亞大學人類學教授孔邁隆(Myron L. Cohen) 係第一位榮獲客委會「一等客家事務專業獎章」个外籍人士，佢用高雄美濃客家做研究主題，長期投入美濃客家傳統生活个探究，客話也講到蓋流掠。客家委員會主任委員古秀妃7號䟓工南下參加孔教授个榮退演講會，聽佢深入客家生活，研究一甲子个美濃情懷同客家研究。
古主委表示，蓋多謝孔邁隆教授60年前來到美濃，留下盡多珍貴个影像同研究資料，亻厓等就做得了解該時節美濃人个日常生活。大家登常講客家精神就係硬頸精神，毋過客家毋單止係硬頸，還有友善，對一位外國教授在60年前來到美濃，美濃人、龍肚人展現出來个熱情友善同相幫相扌帣，還過係客家精神个重要部分，多謝大家共下成就恁仔一件美事，分這兜感動人心个客庄日常影像做得保存應用。
1964年美國青年學者孔邁隆來到台灣進行長期田野調查，還過選吔美濃小鎮做為研究據點，係美濃區第一位外籍「榮譽鎮民」。佢用外籍人類學家个觀點，融入當代美濃客庄个日常生活，留下吔超過5,000張珍貴个相片，佢个研究成果發表在國際期刊，推動美濃行入國際學術研究殿堂，保存客庄變遷珍貴个歷史紀錄。
在這位人類學大師正式榮退个時節，財團法人高雄市右堆愛鄉文教基金會特別邀請孔教授過歸到美濃來，用「60年瀰濃同客家研究所見」做為榮退演講會个主題，還過同成功大學台灣文學系鍾秀梅教授、高雄師範大學客家研究所洪馨蘭教授同龍山國小張二文校長、民間學者黃阿彩先生進行座談，客委會古主委、高雄市客家事務委員會楊瑞霞主委、高雄市美濃區謝鶴齡區長同陽明交通大學客家文化學院簡美玲教授等也受邀參加。
————————————-
【華語版】
美國哥倫比亞大學人類學教授孔邁隆(Myron L. Cohen) 是首位榮獲客委會「一等客家事務專業獎章」的外籍人士，他以高雄美濃客家為研究主題，長期致力於美濃客家傳統生活的探究，更說得一口流利客語。客家委員會主任委員古秀妃今(7)日特別南下參加孔教授的榮退演講會，聆聽他深入客家生活，鑽研一甲子的美濃情懷與客家研究。
古主委表示，感謝孔邁隆教授60年前來到美濃，留下無數珍貴的影像與研究資料，讓我們得以瞭解當時美濃人的日常生活。大家常說客家精神就是硬頸精神，但客家不只是硬頸，還有友善，對於一位外國教授在60年前來到美濃，美濃人、龍肚人所展現的熱情友善與多方協助，更是客家精神的重要一環，承蒙大家共下成就這樣一件美事，讓這些感動人心的客庄日常影像得以保存應用。
1964年美國青年學者孔邁隆來到台灣進行長期田野調查，並選擇美濃小鎮作為研究據點，是美濃區第一位外籍「榮譽鎮民」。他以外籍人類學家的觀點，融入當代美濃客庄的日常生活，留下逾5,000張珍貴照片，其研究成果發表於國際期刊，推動美濃走入國際學術研究殿堂，保存客庄變遷珍貴的歷史紀錄。
在這位人類學大師正式榮退的時刻，財團法人高雄市右堆愛鄉文教基金會特別邀請孔教授重返美濃，以「60年瀰濃與客家研究所見」作為榮退演講會的主題，並與成功大學台灣文學系鍾秀梅教授、高雄師範大學客家研究所洪馨蘭教授及龍山國小張二文校長、民間學者黃阿彩先生進行座談，客委會古主委、高雄市客家事務委員會楊瑞霞主委、高雄市美濃區謝鶴齡區長及陽明交通大學客家文化學院簡美玲教授等也受邀與會。
