【客語版】
客家委員會今（30）日在國立中央大學舉行客語家庭表揚典禮，由主任委員古秀妃親身頒獎表揚，這擺總共有238戶家庭、差毋多900個家庭成員得著這特殊个光榮。古主委表示，客語家庭係客語傳承最慶个力量，希望大家共下呼應「 屋下講客」，分客家語言文化代代相傳。
客委會對民國97年開始表揚客語家庭，總計全國既經有超過3,300戶家庭接受表揚。古主委指出，語言係人類表達感情摎傳承文化重要个依據，家庭就係學習客語最開始、最主要乜係最細个單位，所以俚鼓勵細人仔摎家長在家庭講客話，乜對97年起勢斯開放主動報名客語家庭，因為這係值得大家學習个模範，講客話係一件當光榮个事情。
古主委提著，根據統計，全臺灣總共有924萬戶家庭，用客家人口19%个比例推算，客家戶數差毋多有180萬戶，但係識接受表揚个客語家庭比例無達到0.1%，雖然當少，毋過係客語傳承最堅強个力量，佢愛代表客委會感謝大家。尤其這擺得獎个238戶家庭當中，總共有122戶家庭對全臺各地渡老帶細前來，可以講係全臺灣最「湛斗」个客語家庭，希望大家轉去以後，做得尋隔壁鄰舍共下來講客，除了在家庭裡肚講客，在日常生活乜愛多講客，分客語繼續傳承下去。
這擺得獎个238戶家庭，包括2代家庭有148戶、3代家庭有89戶，還有1戶係4代同堂个大家庭，年齡層包含87歲到5歲，各各在無共樣个外在環境摎家庭組成背景之下，繼續對客家語言文化个認同。其中有家庭成員對民國94年第一擺舉辦客語能力認證考試斯通過客語能力認證咧，佢兜毋單淨在屋下講客，出外買東西、打嘴鼓乜都時時講客，也有正5歲个小朋友，屋下人翕佢在屋下自然講客个生活影片，表現出「 屋下講客」个精神，另外乜有當多家庭成員長期在文學、影視、教學等各種範圍內摎客語文化發揚光大，客委會感謝佢兜對客語傳承个用心摎煞猛，乜當歡迎還較多家庭共下加入客語家庭个行列。
今晡日个表揚典禮由客家慶典活動儀式象徵个八音團熱鬧開幕，又安排icolor樂團个邱廉欽先生歸屋下人共下上臺表演好聽个客語流行歌曲，還有本年度客家合唱團比賽阿卡貝拉組得獎个Re:Dino恐龍復活樂團續等表演，為現場得著表揚个客語家庭帶來豐富个視聽筵席。活動現場乜規劃客語互動遊戲區，分得著表揚个家庭親子同樂，還過透過遊戲體驗，增加親子間个情誼，共同開創美好時光。
【華語版】
客家委員會今（30）日在國立中央大學舉行客語家庭表揚典禮，由主任委員古秀妃親自頒獎表揚，本次計有238戶家庭、近900位家庭成員獲此殊榮。古主委表示，客語家庭是客語傳承最登真的力量，期盼大家共同響應「亻厓屋下講客」，讓客家語言文化代代相傳。
客委會自民國97年開始表揚客語家庭，累計全國已有逾3,300戶家庭接受表揚。古主委指出，語言是人類表達感情及傳承文化重要的依據，家庭則是學習客語最開始、最主要也是最小的單位，因此我們鼓勵孩子和家長們在家庭使用客語，並從97年起就開放主動報名客語家庭，因為這是值得大家學習的模範，說客語是一件很光榮的事情。
古主委提到，根據統計，全臺灣共有924萬戶家庭，以客家人口19%的比例推算，客家戶數將近有180萬戶，但曾接受表揚的客語家庭比例不到0.1%，雖然很少，卻是客語傳承最堅強的力量，她要代表客委會感謝大家。尤其此次獲獎的238戶家庭中，共有122戶家庭從全臺各地扶老攜幼前來，堪稱全臺灣最「登真」的客語家庭，希望大家回去之後，可以找左鄰右舍共下來講客家話，除了在家庭講客，在日常生活也多講客，讓客語持續傳承下去。
本次獲獎的238戶家庭，包括2代家庭有148戶、3代家庭有89戶，更有1戶4代同堂大家庭，年齡層涵蓋87歲至5歲，各自在不同的外在環境及家庭組成背景下，延續著對客家語言文化的認同。其中有家庭成員自民國94年首次舉辦客語能力認證即通過客語能力認證，不僅在家講客，出外採買、打嘴鼓也都時時講客，也有年僅5歲的小朋友由家人拍攝在家中自然講客的生活影片，體現「亻厓屋下講客」的精神，此外亦有許多家庭成員長期在文學、影視、教學等各領域將客語文化發揚光大，客委會感謝他們對於客語傳承之用心及努力，更歡迎更多家庭一起加入客語家庭的行列。
今天的表揚典禮由客家慶典活動儀式象徵的八音團熱鬧揭開序幕，並安排icolor樂團的邱廉欽老師全家人共同上台演出動人客語流行歌曲，還有本年度客家合唱團比賽阿卡貝拉組獲獎的Re:Dino恐龍復活樂團接棒演出，為現場獲表揚的客語家庭帶來豐富的視聽饗宴。活動現場亦規劃客語互動遊戲區，讓獲表揚家庭親子同樂，並透過遊戲體驗，增進親子間的情誼，共創美好時光。
